第二十日：札幌
今日係旅程最後一日，預定係用黎行街同買手信，之前見到好多好特別o既野，都因為要繼續行程而割愛，希望今日可以盡量搵返．
朝早都係想出去行下先，酒店附近就係中島公園，入面有個好大o既日本庭園，同埋札幌演唱會場．跟住去買地下鐵一日乘車票，反正今日都係任搭，就去左都幾遠 下o既石屋製果廠，即係白之戀人公園．成個公園設計到好似歐陸式城堡，展覽廳入面有關於朱古力歷史同資料，當然唔少得白之戀人o既製作過程．賣店展示左好 多唔食得o既砂糖擺設，同埋賣唔同大細盒裝o既白之戀人，不過我當然唔會o係度買野了，白之戀人o係札幌周圍都有得賣．之後就係行街同買野．
聽朝我十一點幾就會去機場，坐兩點機先到仁川機場再返香港，計埋等轉機大約夜晚十一點返到香港，行左二十日，感想係：腳好痛！最 後幾日我每日都要浸熱水浴 按摩小腿，睇黎都好難再去一次咁長o既旅行．不過過程當然非常開心，北海道同香港簡直係完全唔同o既世界，充滿自然氣息但係唔會係”荒蕪”果種，對旅行黎 講係非常完美o既選擇，行完之後有一種”完成左一個心願”o既感覺．旅費可能比其他地方高，但係要節省仍然係有辦法的．如無意外哩度應該唔會再 update．不過你地留 Comment 我都係會回覆的，亦歡迎有意計劃北海道旅行o既朋友聯絡我．謝謝收看．
posted by Alan @ 7/26/2005 11:00:00 PM
0 Comments:
Post a Comment
<< Home