第十日：帶廣
因為釧路市內可以話完全無野好行，今日我留o係酒店到十點半先 Check Out，十一點四上特急列車去帶廣．
帶 廣市內本身係無特別．最出名就係周圍o既農場，附近十勝地區o既啤酒，同埋第一日都提過o既豚丼（豬肉飯）．農場因為無車去只可以坐的士（日本坐的士係天價），啤酒廠亦無野好睇，剩低就只有豚丼了．不過因為酒店預訂o既問題，無奈之下要o係帶廣留兩晚，唯有當係休息同食豚丼食到唔想再食為止．
差不多一點鐘到帶廣．我住o既酒店連結住車站，非常方便．不過去到未可以 Check In，就出去買左過兩日o既車飛同食豚丼先．去到最出名o既一間，所有豚丼o既發源地－－原祖豚丼のぱんちょう，竟然要排長龍！最後o係三十度高溫又無瓦遮頭之下企左半個鐘先入到去．又真係好好食，聽日再食多一次先．
兩點幾返去 Check In，坐左一陣先再出去，不過真係無乜特別野行，只係o係街上面行黎行去，相都無乜影，六點去過另外一間豚丼食，唔錯但係無元祖 D 肉咁靚，其他都無野好寫了．
睇下聽日有無巴士去得遠少少先．
posted by Alan @ 7/16/2005 10:00:00 PM
0 Comments:
Post a Comment
<< Home